Pas lajmit se një pastor ishte në rradhët e kandidatëve për këshilltarë bashkiakë në kryeqytet, vjen dhe lajmi se një hoxhë po tenton pikërisht këtë. Dhe kjo nuk përbën habi kur është fjala për një qytet si Kavaja.
Pasi ka përfunduar studimet në Arabinë Saudite, ka ligjëruar në SHBA, Zvicër, e pa dyshim dhe në Kavajën e tij. Eshtë diplomuar dhe në Shkenca Politike, e tashmë sapo ka përfunduar dhe një master në Administrim Publik.
I pyetur se pse mendon se zëri i një fetari mund të përmirësojë më tepër vendimmarrjen tonë politike, Sulejman Rustemi shprehet për gazetaren Alba Skëndaj se “para disa vjetësh nga kryeministri i vendit, z. Rama kam dëgjuar një shprehje që ai ka përdorur dhe që është shumë e saktë: “Nëse nuk merresh me politikën, atëherë ajo do të merret me ty”.
Sulejman Rustemi pritet që nga ligjërues fetar, të jetë këshilltar bashkiak nga rradhët e PDIU-së, duke garuar në zgjedhjet e 21 qershorit.
