Një zyrtar i lartë turk i cili është edhe këshilltari presidencial Erdogan, Yasin Aktay, beson se trupi i Jamal Khashoggi u tret me acid pasi u copëtua.
“Ky është i vetmi përfundim llogjik”, shtoi këshilltari presidencial, Yasin Aktay. “Ata që vranë gazetarin saudit në Stamboll shkatërruan trupin e tij që të mos linin asnjë gjurmë prapa.”
Asnjë provë mjeko-ligjore nuk është siguruar për të provuar se trupi i Jamal është tretur.
“Arsyeja pse kanë coptuar trupin e Khashoggi ishte që të shpërndanin eshtrat e tij më lehtë,” tha Aktay për gazetën Hurriyet Daily. “Dhe ne shohim se jo vetëm e coëtuan trupin, por edhe e tretën.”
Pretendimet erdhën pasi e fejuara e Khashoggi, Hatice Cengiz, u bëri thirrje udhëheqësve botërorë të “sjellin autorët para drejtësisë“, në një editorial për pesë gazeta, duke përfshirë Guardian dhe Washington Post.
Ndërkohë, raporti citon Princiun e Kurorës Saudite, Mohammed bin Salman, duke i thënë SHBA-së që ai e konsideron Khashoggi të jetë një islamik i rrezikshëm.
Thirrja telefonike e raportuar në Shtëpinë e Bardhë erdhi para se Arabia Saudite të pranonte se Khashoggi ishte vrarë.
Arabia Saudite ka mohuar se komentet janë bërë ose se familja e saj mbretërore ishte përfshirë në vrasjen dhe tha se është “e vendosur të zbulojë të gjitha faktet”.
Prokurori i Stambollit konfirmoi të mërkurën se shkrimtari ishte mbytur.
Në një deklaratë për gazetën, familja e Khashoggi mohoi se kishte qenë anëtar i Vëllazërisë Myslimane dhe tha se shkrimtari i vrarë e kishte mohuar këtë vazhdimisht në vitet e fundit.
“Jamal Khashoggi nuk ishte një person i rrezikshëm në asnjë mënyrë. Të thuash ndryshe do të ishte qesharake”, tha deklarata.
Ende nuk ka konsensus për mënyrën se si ka vdekur Khashoggi. Ai hyri në konsullatë për të zgjidhur dokumentet për martesën e tij.
Media turke kishte cituar burime më parë të thoshte se Turqia kishte regjistrime audio duke dëshmuar se Khashoggi ishte torturuar para se të vriteshin.
Arabia Saudite ka ndryshuar historinë e saj për atë që ka ndodhur Khashoggi.
ma.me
