Njihuni me parashikimin e astrologut italian Paolo Fox, për punën, shëndetin dhe ndjenjat, si do të ecë dita për të lindurit e çdo shenje.
Dashi
Parashikohet një ditë interesante sidomos për gjithë ata që kanë një projekt për të realizuar. Parashikohen kënaqësi të mëdha. Sa i takon ndjenjave, nuk do të ketë zhvillime të rëndësishme. Gjërat do të vijojnë që të ecin mirë për të gjitha çiftet, të cilat edhe fillimin e muajit e kanë pasur pozitiv.
Demi
Gjatë kësaj dite duhet të mundoheni që të sforcoheni sa më pak. Mundohuni që të bëni vetëm ato gjëra të cilat nuk i shmangni dot. Nga ana tjetër bëni mirë që të shmangni debatet, sidomos në familje. Nga ana tjetër ju pret një vjeshtë mjaft e favorshme gjatë së cilës do të merrni kënaqësi të mëdha.
Binjakët
Ndoshta në këto ditë të jetës suaj nuk jeni shumë mirë me humorin, por mundohuni që të mos e shfryni në dashuri. Ky vit ka qenë mjaft i rëndë për ju, pasi jeni përballur me një sërë problemesh dhe bllokimesh, por që me afrimin e vjeshtës gjërat do të nisin të ndryshojnë.
Gaforrja
Mund të keni një sërë avantazhesh financiare nëse jeni në një punë në kontakt me publikun apo që fitoni përqindje. Duhet të bëni kujdes ama me njerëzit që iu rrethojnë, pasi jo të gjithë janë realisht miqtë tuaj.
Luani
Në sferën profesionale do të jeni mjaft të favorizuar, ndaj përfitoni për të çuar përpara projektet tuaja. Sa i takon ndjenjave, nëse jeni duke jetuar një histori e cila nuk ka shumë kohë që ka lindur, ndoshta mund të jetë më e rëndësishme nga sa mendoni.
Virgjëresha
Keni të gjitha arsyet për të buzëqeshur, pasi yjet janë në anën tuaj. Bëni mirë që të çoni përpara të gjitha projektet tuaja profesionale dhe personale, të cilat do të gjejnë sukses në muajt në vijim. Lëreni veten të lirë të guxoni.
Peshorja
Kjo ditë do të jetë mjaft pozitive, pasi është momenti i duhur për të nisur një dietë apo një regjim ushqimor i cili do ju bëjë që të ndiheni më mirë dhe më tërheqës. Një gjë e tillë i bën mirë trupit dhe shpirtit, pasi vëmendje të madhe do të marrin edhe ndjenjat. Lëreni veten të lirë të dashuroni.
Akrepi
Kjo e mërkurë është mjaft e favorizuar nga yjet, të paktën sa i takon sferës profesionale, ku mund të ketë zhvillime të rëndësishme. Por edhe dashuria do të përfitojë jo pak në këto ditë. Më në fund do të gjeni relaksin e shumëpritur. Ndërsa nëse në ditët e lëna pas keni pasur keqkuptime me dikë, tashmë do keni mundësi të sqaroheni dhe të afroheni.
Shigjetari
Përfitoni nga kjo ditë për të eliminuar dyshimet dhe për të sqaruar çështjet të cilat nuk iu bindin. Nëse në punë nuk jeni mjaftueshëm të kënaqur, ndoshta kjo gjë ndodh pasi nuk vlerësoheni sa duhet. Nëse dikush nuk është në anën tuaj, këtë gjë do e zbuloni brenda fundjavës.
Bricjapi
Këshilla për të lindurit e kësaj shenje është që të tregohen të matur me shpenzimet. Sa i takon punës, ekziston mundësia që të nisni një aktivitet tuajin apo të merrni një rol më të madh. Ndërkohë lidhur me ndjenjat, lëreni veten të rrëmbeheni nga pasioni.
Ujori
Gjatë kësaj dite do të jeni tejet të stresuar dhe të lodhur, ndaj mundohuni që të mbani nën kontroll nervozizmin. Do të keni një dëshirë të madhe për të ndryshuar çdo gjë dhe për të hedhur në kosh shumë gjëra, shkruan noa.al. Kush është i lirë do të ketë mundësi që të përfshihet në aventura të reja, të cilat janë mjaft të favorizuara nga yjet.
Peshqit
Me gjasë po ndryshoni mendim lidhur me një person! Shumë mirë, veçse tashmë nuk ju intereson më si më parë. Sa i takon sferës profesionale, mundohuni që të përkushtoheni më shumë, pasi në rast të kundërt mund të keni probleme. /l.m
