Dashi
Një kuadër yjor vërtet shumë i mirë për të dashuruarit e kësaj shenje bën që dita të jetë shumë pozitive. Erosi i stimuluar nga Hëna e Afërdita. Beqarët do kenë njohje të pafundme dhe mund të nisin edhe ndonjë lidhje. Shpenzimet kryejini me shumë maturi.
Demi
Pozicioni i Marsit është në një orbitë aspak të favorshme për të dashuruarit, gjë që do të vështirësojë edhe gjërat më elementare për ju. Sugjerohet të mos bini pre e viktimizmit. Beqarët do bëjnë të pamundurën për të ndryshuar statusin edhe falë ideve të tyre të shumta. Financat do jenë të mira.
Binjakët
Pas një periudhe deri diku pozitive dot dita duket do të fillojë me të ”përpjeta” për ju që jeni në një marrëdhënie. Megjithatë, do arrini qëllimet tuaja. Beqarët do kenë takime të njëpasnjëshme dhe jeta do ju ndryshojë përgjithmonë. Financat do vinë duke u përmirësuar.
Gaforrja
Nuk është një periudhë e lehtë për ju që i përkisni kësaj shenje. Vetëm Hëna sot duket se do të jetë e predispozuar t’ju ndihmojë në jetën sentimentale. Beqarët edhe pse do mundohen nuk do mundin ta ndryshojnë dot statusin edhe për ca kohë. Financat do dini si t’i menaxhoni.
Luani
Një situatë yjore e trazuar për ju që jeni në një marrëdhënie. Kjo për shkak të hyrjes në shenjë të Uranit, i cili do të reflektohet edhe te ju duke bërë që t’ju mungojë qetësia në dashuri. Beqarët nuk duhet të nxitohen për të shmangur edhe lëndimet më pas. Tregohuni të arsyeshëm me shpenzimet.
Virgjëresha
Me gjithë vështirësitë në të cilat ndodheni ju të dashuruarit, sot me Mërkurin në shenjë do të mund të përballoni një ditë të ngarkuar. “Kokëfortësia” nuk ju ndihmon aspak. Beqarët do jenë të vendosur dhe nuk do ndalen deri sa të ndryshojnë statusin. Në planin financiar do hasni probleme.
Peshorja
Pritet një ditë pozitive për ju që jeni në një lidhje dashurie, por duhet të veproni me shpejtësi sa jeni në kohë, sepse situata mund të kthehet shumë shpejt në disfavorin tuaj. Beqarët do jenë të përkëdhelurit e yjeve dhe do kenë fatin për të misur lidhje afatgjatë. Hëna do mbrojë financat tuaja.
Akrepi
Duket se ”marshimi” juaj do të vazhdojë i pandalshëm, aq më tepër tani që ”opozita” e Saturnit në shenjë duket shumë më e dobësuar dhe aspak në favorin tuaj në dashuri. Beqarët nuk do arrin dot ta bëjnë për vete personin që pëlqejnë dhe do mbeten ende vetëm. Kujdes me shpenzimet.
Shigjetari
Qielli për ju të dashuruarit edhe sot pritet të jetë i ”ngrysur”, ngaqë Marsi vazhdon të jetë në një orbitë aspak të favorshme. Megjithatë Afërdita është pranë jush në planin sentimental. Beqarët do kenë një ditë të mbushur me takime mbresëlënëse. Me shpenzimet tregohuni sa më të matur.
Bricjapi
Tashmë tensionet dhe stres-et në marrëdhënien tuaj me partnerin/en i përkasin plotësisht të kaluarës dhe shenja juaj sot është nën ndikimin e mjaft yjeve të mirë. Beqarët duhet të tregohen të lirshëm dhe të shprehin hapur pëlqimet e tyre. Financat do jenë të mira gjatë gjithë kohës.
Ujori
Dyshja Mars-Afërditë do të jetë edhe sot një binom ”fituesish” për ju të dashuruarit, prandaj sot nuk do të keni asnjë pengesë në rrugën tuaj. Beqarët duhet të dëgjojnë këshillat dhe të mos nxitohen në marrjen e vendimeve. Parashikohen probleme me financat.
Peshqit
”Shtrëngoni dhëmbët dhe duroni”. Ky mund të jetë mesazhi për ju që i përkisni një marrëdhënie në çift. Gjërat priten të ndryshojnë për mirë. Beqarët duhet të mendohen mirë para se të pranojnë ftesat. Në planin financiar do keni probleme pas disa gabime në menaxhim.
