Qeveria e Rajonit të Posaçëm Administrativ të Hong-Kongut të Kinës, bëri të ditur të enjten se, fondi i ndihmës për banorët e kompleksit të banimit Wang Fuk Court kishte arritur në 2.8 miliardë dollarë hongkongas(360 milionë dollarë amerikanë) donacione, të cilët do të përdoren për të ndihmuar banorët e prekur nga zjarri për rindërtimin e vatrave të tyre.
Qeveria e rajonit njoftoi më parë se secilës familje që humbi një anëtar, do t’i jepet një financim ngushëllimi prej 200.000 dollarësh hongkongas dhe 50.000 dollarë hongkongas si ndihmë për funeralin. Deri të enjten, janë trajtuar 52 raste të tilla. Përveç kësaj, fondi do t’i sigurojë secilës familje të prekur një mbështetje jetese prej 50.000 dollarësh hongkonas. Deri të mërkurën, 326 familje kishin marrë ndihmat. Ndërkohë 1921 familje të prekura kanë marrë secila nga 10.000 dollarë hongkongas subvencion, për të plotësuar kërkesat aktuale.
Foto nga VCG
Foto nga VCG
Gjithashtu, qeveria e rajonit deklaroi më 4 dhjetor nisjen e planit të trajtimit mjekësor falas, duke bërë së bashku qendrat shëndetësore dhe burimet private në të gjitha 18 distriktet e Hong-Kongut, për të ofruar shërbime sistematike të kujdesit shëndetësor për banorët e prekur.
Aktualisht, mbi 140 mjekë privatë familjarë po marrin pjesë, me një rrjet shërbimesh që mbulon 170 pika mjekësore, përfshirë katër spitale private.
