Kryetari i opozitës, Lulzim Basha gjatë ceremonisë përkujtimore të 2 prillit në Shkodër, deklaroi se opozita u largua nga Parlamenti për të mos qenë në anën e gabuar të historisë.
Siaps Bashës, opozita iku nga parlamentit, për të mos qenë palë më atë që ai e quajti si ‘strofull e krimit’.
Lideri i PD tha se maxhoranca aktuale mendon se mund ta likuidojë opozitën, duke fituar Shkodrën pa zgjedhje. Por më tej Basha tha se s’ka gaz dhe makineri që do të mund ta shtypë opozitën.
“2 prilli hyri në historinë tonë kombëtarë dhe asnjëherë nuk do të reshtim së kujtuari këtë kujtesë të përhershme se rrënjët e të keqes nuk thahen nëse nuk i shkulim njëherë e mirë.
Rrënjët e të keqes ushqehen me vesin dhe me krimin e pandëshkuar. 2 prilli si bashkëjetese e krimit dhe qeverinë, ka fytyrën e krimit dhe parlamentit. Ka sot Kuvendin e turpit dhe krimit dhe Kuvendin e denjë të trashëgimtareve të 2 prillit. Ne ikëm nga ajo strofull e krimit, sepse do ishim në anën e kundërt dhe jo në antenën e duhur, por në anën e Komitetit të Partisë së Shkodrës.
Shëmbëlltyra e këtij regjimi mendon se mund të likuidojë opozitën dhe se mund të bëj dhe pa të, se mund të bëj pa të dhe ta marrë Shkodrën pa zgjedhje. E mund ta mbajë Shqipërinë pa zgjedhje, nën zgjedhë përsa kohë do i nevojitet, mundësisht përjetësisht.
Kjo s’ka për të ndodhur, nuk ka vegla të vërbra, as gaz lotjellës, as hafije, as aparat shtypës që do të mundë të kthej qetësinë e kufomës politike të rilindjes, trashëgimtaren e denjë të krimeve të 2 prillit 1991.
Protesta madhështore e shkodraneve dhe gjithë Shqipërinë ka vetëm një përfundim, që pati protesta e 2 prillit dhe sakrifica e 4 bijve më të mirë shkodran rrëzimin e diktaturës dhe triumfin e demokracisë.
g.kosovari
