Janë mbajtur sot në hollin e Teatrit Kombëtar homazhet në nder të aktorit të njohur të skenës shqiptare, Lazer Filipi.
Familjarë, miq, të afërm dhe kolegë i dhanë lamtumirën e fundit artistit, i cili u nda nga jeta mbrëmjen e së premtes në moshën 95 vjeçare.
Gjate karrierës së tij, artisti nga qyteti i Shkodrës interpretoi rreth 80 role në skenën e teatrit dhe ekranin e madh.
“Familja e peshkatarit”, “Toka jonë”, “Zonja e bujtinës”, “Në fillim të verës” dhe “Arturo Ui” janë vetëm disa nga dhjetëra role qe Filipi I dha ekranit shqiptar, shkruan tch. Roli i tij më i spikatur mbetet ai i Leninit në dramën “Orët e Kremlinit”.
