Holanda ka nisur një fushatë për të ndalur shqiptarët që kërkojnë azil në këtë shtet. Mediat shkruajnë se autoritetet kanë një mesazh për shqiptarët duke u thënë se nuk kanë asnjë të ardhme në Hollandë. Vitet e kaluar numri i shqiptarëve që shkonin në Holandë për të kërkuar azil ishte më i madh, por sërish edhe këtë vit numri i aplikuesve mbetet shqetësues. “Shumë prej tyre u kthyen në Shqipëri brenda disa javësh pasi iu hoq asistenca financiare. Fushata ka për qëllim të ndalojë ata që të udhëtojnë drejt Holandës”, shkruajnë mediat.
Mediat hollandeze citojnë Klaas Dijkhoff, sekretari i shtetit për çështjet e azilit . Ai shprehet se qeveria duhet të dekurajojë fluksin e shqiptarëve drejt Holandës.
