Një ulje që për Elon Musk do të thotë “një tjetër hap drejt yjeve”. SpaceX, kompania aerospaciale e themeluar nga bosi i Teslas, ka arritur që të ulë një raketë mbi një platformë detare. Raketa Falcon 9 doli në orbitë me kapsulën Dragon, e cila çoi furnizime për astronautët në stacionin hapësinor ISS. Në kthim, Falcon 9 realizoi uljen në pozicion vertikal mbi platformën detare, duke e realizuar për herë të parë në histori një gjë të tillë.
Suksesi ka ardhur me provën e pestë. Në katër tentativat e mëparshme, Falcon arrinte të kthehej mbi platformë, por pa ruajtur pozicionin vertikal, duke u shkatërruar.
Ky është një sukses i rëndësishëm për teknologjinë e raketave të ripërdorueshme, të cilat transportojnë astronautë dhe materiale në orbitë me një ulje të jashtëzakonshme shpenzimesh.
