Liga Gjermane e Futbollit (DFL) arriti një marrëveshje rekord për të drejtat televizive kombëtare që kalon një miliard euro për sezon për herë të parë në historinë e saj.
“Kjo marrëveshje kap vlerën totale prej 4.64 miliardë euro për katër sezone, nga 2016-2017 në 2020-2021”, deklaroi sot DFL. Kjo do të thotë se shitja e të drejtave për një sezon shkon në 1.15 miliardë euro.
Kjo përfaqëson një rritje me rreth 85 për qind në raport me marrëveshjen për katër sezonet që sapo kaluan (2,51 miliardë euro).
DFL shpreson gjithashtu të rrisë të ardhurat e saj nga media ndërkombëtare që aktualisht janë rreth 1,4 miliardë euro për sezon.
ATSH/d.i.
