Për herë të parë zgjidhet një femër në zgjedhjet lokale në rajonin e Mekës, në Arabinë Saudite, njoftoi Komisioni Elektoral Lokal.
Këto janë zgjedhjet e para që organizohen në mbretërinë ultra-konservatore ku mund të marrin pjesë kandidate femra si dhe ku femrat kanë mundësi të votojnë.
“Salma bent Hizab al Oteibi u zgjodh që të ulet në këshillin bashkiak të Madrakah, zonë e rajonit të Mekës, vendi më i shenjt i islamit”, theksoi presidenti i Komisionit Elektoral Lokal, Oussama al Bar, ndërsa shpallte rezultatet e para të zgjedhjeve bashkiake për agjencinë zyrtare SPA.
Zgjedhjet lokale u zhvilluan këtë të shtunë në Arabinë Saudite që ishte vendi i fundit në botë që i ndalon qytetarëve të vetë të drejtën për të votuar ose për të kandiduar.
