Përleshjet në Gaza që sollën vdekjen e mbi 50 personave dhe plagosjen e mijërave të tjerë ditën kur në Jeruzalem përurohej ambasada e re e SHBA, kanë provokuar reagime të forta nga disa vende që kanë lidhje diplomatike me Izraelin.
I tillë ka qenë dhe veprimi i Trurqisë e cila ka dëbuar ambasadorin e Izraelit në Ankara, Eitan Naeh për një periudhë të pacaktuar, të cilin e ka poshtëruar duke i ushtruar kontroll sigurie në aeroport pasi ka njoftuar mediat që të mbulojnë këtë veprim.
Ambasadorit i është kërkuar të heqë këpucët ndërkohë që mediat filmonin.
Përveç Turqisë janë disa vende që kanë thirrur përfaqësuesit izraelitë si Afrika e Jugut, Irlanda, Belgjika, ndërkohë që vende të tjeara si Franca, Gjermania, apo organizma si BE, OKB kanë dënuar dhunën e Izraelit.
SHBA dhe Australia kanë vlerësuar se dhuna u ushtrua nga Hamasi, kurse Shqipëria, vendi që orbiton në një politikë të jashtme absurde, ka reaguar përmes ministrit të Jashtëm, Bushati, i cili përmes një postimi në tuiter ka dënuar dhunën, por pa cilësuar përgjegjës.
Ndërkohë ambasadorja e SHBA-së në OKB, deklaroi se nuk ka asnjë lidhje mes hapjes së ambasadës së SHBA në Jeruzalem dhe të vdekurve në Gaza.
