Një person tjetër është vënë në pranga sot pas sekuestrimit të një sipërfaqe toke prej 33 hektarësh me një vlerë prej 33 milionë eurosh.
Në lidhje me sekuestron e sipërfaqes së tokës prej 33 hektarësh në Himarë, janë ekzekutuar urdhërat e ndalimit për shtetasit e mëposhtëm:
Lefter Gjergji, 57 vjeç, banues në Himarë.
A.Sh., 28 vjeç, banues në Vlorë, me detyrë jurist pranë ZVRPP Vlorë (i shpallur në kërkim)
Në datën 10 maj 2016, Policia e Vlorës në bashkëpunim me Prokurorinë pranë Gjykatës së Shkallës së Parë Vlorë, në kuadër të procedimit penal nr.414/2016, regjistruar për veprat penale “Falsifikimi i dokumentëve” dhe “Pastrimi i produkteve të veprën penale apo veprimtarisë kriminale”, kanë bërë të mundur dokumentimin e plotë ligjor dhe vendosjen e masës së sigurimit pasuror “Sekuestro Preventive”, mbi bazën e të cilit është sekuestruar një sipërfaqe toke prej 33 hektarë në vendin e quajtur “Dhrale Adhendra” Palasë, Himarë, të falsifikuara nga Lefter Gjergji si pronë e tij, ndihmuar nga ish-juristi A.Sh.
Mbi bazën e informacioneve të marra në rrugë operative, ka rezultuar se Lefter Gjergji, nëpërmjet dokumentave të falsifikuara ka regjistruar pranë ZVRPP Vlorë, pronën e lartpërmendur, e cila kap vlerën e 33 Milion Euro-ve.
Punohet për kapjen dhe arrestimin e ish-juristit A.Sh.
