Arrestohet në flagrancë një 49 vjeçar dhe shpallet në kërkim vëllai i tij, pasi kanë dhunuar fizikisht punonjësit e policisë.
Ngjarja ka ndodhur në fshatin Vranisht të Himarës, pasi policia ka shkuar për të parandaluar përshkallëzimin e një konflikti midis dy fqinjëve, por janë goditur nga dy vëllezërit.
Ndërkohë është arrestuar 49 vjeçari me iniciale M.V. dhe është shpallur në kërkim vëllai i tij, 44 vjeçari me iniciale I.V., pasi kanë dëmtuar punonjësit e policisë.
Materialet procedurale u referuan në Prokurorinë e Vlorës, për veprime të mëtejshme, për veprën penale “Kundërshtimi i punonjësit të policisë së rendit publik”, kryer në bashkëpunim. Shqiptarja.com
