Favoritja e demokratëve për zgjedhjet presidenciale në Shtetet e Bashkuara, Hillary Clinton, tha se ishte tifoze e madhe e këngëtares britanike Adele.
Hillary Clinton në një intervistë në SHBA për një radio lokale tha se ajo pëlqente këngëtaren e njohur ta kishte shpesh në stacionin e vet të radios. “Tani për tani jam duke dëgjuar Adelën. I admiroj aftësitë e saj vokale, talentin e saj dhe personalitetin,” tha ish-zonja e parë e Shteteve të Bashkuara dhe ka shtuar se pëlqen edhe Sheryl Croë.
Hillary Clinton (68 vjeç) ka thënë se ajo e pëlqente muzikën rok me të cilën u rrit, por edhe muzikë klasike me të cilat i pëlqen ta ketë teksa punon. Ajo më parë ka thënë se pëlqente grupin “Doors”, “Beatles” dhe “Rolling Stones”.
Admirim për Adel ka edhe kandidati republikan për Shtëpinë e Bardhë, miliarderi Donald Trump, i cili ishte madje edhe në koncertin e saj në Nju Jork.
Megjithatë, këngëtarja britanike e pop, kënga e të cilës “Hello” që është në top-listat muzikore në botë, ka protestuar se këngët e saj po përdoren në mitingjet politike të Tramp.
Zëdhënësi i Adelës ka thënë se këngëtarja nuk i ka dhënë leje askujt për të përdorur këngët e saj në mitingje politike. Politikanët janë kritikuar shpesh për vënien në fushatë të këngëve pa pëlqimin paraprak të artistit. Tramp e bën këtë më së shumti.