Agjenti i sulmuesit Gonzalo Higuain, ka bërë të ditur se klienti i tij ka vendosur që të mos e vazhdojë kontratën me klubin e Napolit.
Sulmuesi argjentinas ishte golashënuesi më i mirë në Serie A dhe për këtë presidenti Aurelio De Laurentiis kishte vendosur ta shpërblente me kontratë të re, por 28-vjeçari ka vendosur të mos pranojë këtë kontratë.
“Kemi vendosur të mos pranojmë vazhdimin e kontratës”, ka thënë agjenti Nicolas Higuain.
“Kështu është situata. Presidenti ka vendosur që të ketë klauzolë dhe ne kemi të drejtë që ta refuzojmë”, ka shtuar vëllai i sulmuesit.
“Ne kemi kontratë me Napolin dhe si profesionit, Gonzalo do ta respektojë kontratën. Ai do të stërvitet dhe do të japë më të mirën”, citohet Express. (b.an)
