Gonzalo Higuain do të jetë jashtë fushave dy ose tri javë për shkak të një operimi në dorë. Një kirurg ortopedik pretendon se sulmuesi i Juventusit, Gonzalo Higuain është duke u përballur me një dëmtim të rëndë në dorë, ku do pritet të operohet dhe prej kësaj pritet të mungojë 2 deri në 3 javë.
Kështu, bomberi argjentinas humb derbin e javës në Serie A ndaj Napolit dhe atë të një jave më vonë ndaj Interit. Mediat italiane e konfirmojnë se Higuain do të humbasë ndeshjen e Serie A ndaj Napolit të premten mbrëma për shkak të operacionit në dorë.
Sipas “Premium Sport”, argjentinasi do të ketë operacionin në orët e ardhshme.
Operimi i Higuain vjen në një kohë të vështirë për Juven që të premten do të udhëtojë te rivali për titull, Napoli, por Matteo Vitali e ka paralajmëruar sulmuesin se mund të humbasë edhe sfidën me Interin. “Rikuperimi do të marrë kohë së paku 2-3 javë”, tha ai për “Premium Sport”, përgatiti Express. (b.an)
