Ditën e premte u njoftua se në shkollën “Gustav Mayer” një prej mësuesve i orientonte nxënësit për të besuar që nëse sakrifikon jetën ka një jetë të përtejme që është më e bukur sesa kjo që ne jetojmë.
Gazetarja e A2CNN, Adelina Onuzi, në një lidhje direkte me “Dita Jonë” nga shkolla u shpreh:
“Kemi pyetur edhe banorë të zonës për të kuptuar më shumë, nëse ata kanë dëgjuar edhe më përpara diçka sa i përket këtij fakti. Shumë prej tyre thonë që në asnjë moment nuk kanë dëgjuar asnjë informacion përpara sa të bëhej publike. Më pas, ata janë interesuar më shumë, kanë pyetur edhe fëmijët e tyre se çfarë ka ndodhur konkretisht dhe si kanë qenë bisedimet e tyre të herëpashershme. Presin të ketë reagim edhe nga profesori vetë, por nuk është gjetur ndonjë mënyrë kontakti me vetë mësuesin që predikonte, të paktën deri më tani”.
“Nxënësit u kanë thënë prindërve që mësuesi, që predikonte fenë e Jehovait, u ka thënë që “mund të hidheni nga ballkoni sepse mund të ringjalleni sërish edhe mund t’u jepen detyra sa i përket lidhjes me Zotin”, shtoi gazetarja.
