Ka nisur në orën 11:00 në Presidencë shorti për zgjedhjen e anëtarëve të Këshillit të Emërimeve në Drejtësi. Deri tani janë zgjedhur anëtarët e KED nga Gjykata Kushtetuese dhe Gjykata e Lartë.
NGA GJYKATA KUSHTETUESE
Marsida Xhaferllari zgjidhet anëtare e parë e KED
Elsa Toska zgjidhet anëtarja e dytë e KED
Fjona Papajorgji, anëtare zëvendësuse në KED
NGA GJYKATA E LARTE
Ervin Pupe zgjidhet anëtar i KED
Ilir Panda zgjidhet anëtar zëvendësues i KED
NGA PROKURORIA E PËRGJITHSHME
Adnand Xholi zgjidhet anëtar i KED
Kujtim Luli zgjidhet anëtar zëvendësues i KED
NGA GJYKATAT E APELIT
Astrit Kalja përzgjidhet si anëtar i KED
Elona Toro përzgjidhet si anëtare e KED
Zegjine Sollaku zgjidhet anëtare zëvendësuese në KED
Presidenti i Republikës përcaktoi datën 4 dhjetor për hedhjen e shortit. Në short janë kandidatët e sjellë nga Gjykata Kushtetuese, Këshilli i Lartë i Prokurorisë dhe Këshilli i Lartë Gjyqësor.
KED është një organ kolegjial me 9 anëtarë dhe me mandat 1-vjeçar.Ky institucion ka rol kyç në vlerësimin e kritereve profesionale e morale të kandidatëve për anëtarë të Gjykatës Kushtetuese.
