Një shpërthim ka ndodhur në orët e para në një biznesi në Durrës. Sipas policisë, në fasadën e dyqanit të Shaban Agës, 58 vjeç, dyshohet se shtetasi D.K, 31 vjec, banues në Burrel, në bashkëpunim me persona të tjerë ende të paidentifikuar, kanë hedhur një sasi të vogël lëndë plasëse.
Nga shpërthimi ka vetëm dëme materiale. Ngjarja ka ndodhur rreth orës 03:10 të mëngjesit në lagjen 17/1 rruga “Shenjtoret”.
Dyshohet se ngjarja ka ndodhur si pasojë e një konflikti të mëparshëm mes 58-vjeçarit Aga dhe D.K.
Familjarët janë shprehur se janë tronditur nga ngjarja duke theksuar se është kthyer në një sulm të përsëritur.
“Na hodhën tritol, na tmerruan. Është e pesta herë që na ndodh”, janë shprehur familjarët. Policia nga ana tjetër ka njoftuar se po punon për zbardhjen e plotë të rrethanave të kësaj ngjarje.
/e.d
