Duket se eshte pershkallezuar situata ne lidhje me ekipin e ‘Skenderbeut’. Inspektorët e Disiplinës së UEFA-s që po punojnë për këtë rast kanë marrë kërcënime anonime me vdekje, të cilat dyshohet se janë bërë me qëllim për t’i frikësuar ata që mos ta çojnë më tej punën e tyre. Këto kërcënime nuk do të kenë sukses dhe policia është informuar për to ka bërë të ditur UEFA. Belgu Karl Dhont dhe spanjolli Migel Lietard Fernandez-Palasio sipas UEFA-s janë kërcënuar me jetë pasi kanë përpiluar një raport ku kërkojnë dënimin e Skënderbeut me 10 vite nga çdo kompeticion europian si dhe një gjobë 1 mln euroshe.
Deklarata e plotë e UEFA-s
Sot, inspektorët e Disiplinës së UEFA-s që po punojnë për këtë rast kanë marrë kërcënime anonime me vdekje, të cilat dyshohet se janë bërë me qëllim për t’i frikësuar ata që mos ta çojnë më tej punën e tyre. Këto kërcënime nuk do të kenë sukses dhe policia është informuar për to ka bërë të ditur UEFA.
UEFA mbetet e angazhuar plotësisht në luftën kundër trukimit të ndeshjeve dhe i gjithë stafi i UEFA-s që është duke punuar për këtë çështje thelbësore mund të mbështetet te përkrahja e plotë e organizatës.
Ky ishte mesazhi që u dha sot nga presidenti i UEFA-s Aleksander Ceferin, i cili deklaroi:
“Ne nuk do të lejojmë kurrë që stafi i UEFA-s që është duke punuar me këtë çështje, apo çështje të tjera, të jetë subjekt kërcënimesh apo frikësimesh nga ndonjë palë e tretë. Ata kanë mbështetjen e plotë të organizatës, përfshi 100% të mbështetjes time personale”.
