Hetimi për 25 prillin/ Gogu: Të thirren në komision Bardhi, Mziu, Vokshi. Alibeaj: Sot miratojmë planin e hetimit dhe…

Gjatë diskutimeve në Komisionit Hetimor për zgjedhjet e 25 prillit zv.kryetari Toni Gogu kërkoi që të thirren si dëshmitarë Gazment Bardhi, Xhelal Mziu dhe Albana Vokshi, dhe të përjashtohen kreu i SPAK dhe kryeprokurori.

Kryetari i Komisionit Enkelejd Alibeaj ishte në një linjë lidhur me thirrjen e përfaqësuesve të PD-së, por kërkoi po ashtu paraqitjen në komision të Arben Krajës dhe Olsian Çelës, duke shtuar se do të pyeten për çështje statistikore.

DISKUTIME 

Gogu: Në listën e dëshmitarëve, ne do donim që në zbatim të ligjit për Komisionet Hetimore të hiqeshin nga lista, drejtuesi i SPAK dhe Prokurorisë së Përgjithshme, Kraja dhe Çela, sepse rrethanat të cilat janë në dijeni të çështjes nuk janë në përputhje me cilësinë e dëshmitarëve. Por informacioni është jashtëzakonisht i domosdoshëm. Gjithashtu dëshirojmë të shtojmë në listë z. Gazment Bardhin, që u vetofrua në seancën e fundit si dëshmitar, z. Xhelal Mziu që ka pasur një deklaratë që tregon se ka dijeni mbi strukturën e mbrojtjes së votës dhe znj.Albana Vokshin. Këta janë dëshmitarë okularë. Këto janë kërkesa tona sot, me një shikim të parë që i kemi bërë planit të hetimit në këto 5 orë në dispozicion.

Alibeaj: Që ku plan hetimi të jetë i plotë do duhet të pasqyrojë të gjitha kërkesat qoftë për tema të hetimit, qoftë për instrumentet, provat, që ju kërkoni. Ky plan hetimi që miratohet sot nuk është final. Nesër, pasnesër secili prej anëtarëve ka të drejtë të paraqesë rishtas kërkesa për prova. Do të doja që planin e hetimit sot ta miratojmë, dhe pastaj secili nga anëtarët ka të drejtë të bëjë edhe kërkesa të tjera. Është e drejta juaj të kërkoni informacion. Kam vetëm një problem. Lidhur me kërkesa për thirrje dëshmitarësh z. Gazment Bardhi, Xhelal Mziu, Albana Vokshi, kjo është e drejtë e anëtarëve dhe miratohet pa votim. Askush nuk ka të drejtë të përjashtohen dëshmitarë. Përveç një kufizimi që ligji vendos, dëshmitarët të thirren për objektin e hetimit. Ju kërkuat të përjashtohen nga thirrja si dëshmitar të drejtuesit të SPAK dhe Prokurorisë së Përgjithshme. Më lejoni t’ju kujtoj që kërkesa pranohet pa votimin, me të vetmin kufizim, do pyetjen për çështje konkrete, askush nuk ka të drejtë të kërkojë përjashtimin e dëshmitarëve nga thirrja. Nuk do të pyeten për çështje konkrete, por të dhëna që Kodi Zgjedhor parashikon, statistika, sa çështje janë regjistruar, në cilën fazë hetimi, pa përmendur personat në hetim, se kjo mbrohet nga sekreti hetimor.

g.kosovari