Kleton Bici është shqiptari i arrestuar për trafik droge ditën e sotme nga karabinierët e zonës së Olbias në Itali. Për 27-vjeçarin ishte lëshuar një urdhër arresti ndërkombëtar nga Drejtoria e Anti-Mafias në Qarkun e Kaljarit që në muajin maj të këtij viti.
Bici ishte gjithashtu pjesë e operacionit “Polo Est” që çoi në arrestimin e 30 personave me kombësi italiane dhe shqiptare për trafik ndërkombëtar të drogës. Media italiane Ansa.it shkruan se banda ishte e specializuar në kontrabandën e heroinës dhe kokainë në aksin e tre shteteve Itali-Shqipëri-Holandë.Gjatë një operacioni ndaj kësaj bande u konfiskuan 18 kg kokainë, 4 kg heroinë, 30 mijë euro cash dhe një pistoletë e vjedhur.
ma.me
