Një pesëvjeçar amerikan po konsiderohet hero pasi ka ecur i zbathur nëpër dy blloqe apartamentesh për të paralajmëruar të afërmit se prindërit e tij kishin marrë dozë heroine.
Djaloshi i alarmuar ka dalë nga shtëpia në orën 5 të mëngjesit të së enjtes, kur pa prindërit e tij në gjendje të pavetëdijshme në shtëpinë e tyre.
Duke menduar se ata kishin vdekur, djali ka vrapuar për në shtëpinë e një të afërmi për të kërkuar ndihmë.
Dy oficerë shkuan në shtëpinë e djaloshit dhe zbuluan se prindërit kishin marrë një mbidozë heroine, raporton “RT”.
Vogëlushi është lavdëruar nga i gjithë departamenti i policisë së Ohios për veprimet e tij të guximshme./ma.me
