Helmuan prindërit, dogjën shtëpinë, morrën lekët dhe shkuan në tallava
Zbardhen detaje të reja nga historia e dy vajzave adoleshente që u larguan nga shtëpia pasi helmuan prindërit dhe motrën e madhe dhe i vunë zjarrin banesës së tyre në Durrës.
Nga hetimet ka rezultuar se Orialda dhe Klevisa kanë perdorur “loram” i cili është medikamenti qetësues që u jepet personave që vuajnë nga pagjumësia. Mbidoza e hedhur në gjellë, ka shkaktuar probleme të rënda shëndetësore në pjestarët e familjes Kajtazi të cilët përfunduan për ndihmë të specializuar mjekësore në Tiranë.
Dyshohet se dy motrat e kanë përdorur edhe në raste të tjera Loramin, për të venë në gjumë prindërit dhe motrën e madhe që më pas të dilnin nga shtëpia për të frekuentuar jetën e natës.
Prokuroria e Durrësit ka zbardhur tabulatet e 4 celularëve që ato kanë marrë me vete pas arratisjes nga shtëpia. Hetimet çuan në identifikimin e një femre me të cilën adoleshntet kanë biseduar pak përpara largimit të tyre. Dyshohet se ajo i ka instruktuar vajzat për të gjithë planin e largimit nga banesa.
Sipas disa informacioneve të mbërritura në Policinë e Durrësit, gruaja është punonjëse në një lokal nate. Familjarët e dy motrave kanë dhënë informacione se dy motrat kohët e fundit qëndronim të veçuara nga pjesa tjetër e famijes, ndërsa është venë re edhe blerja e shumë veshjeve të reja.
Shoqërimi kohët e fundit me disa djem të moshës së tyre, por edhe më të mëdhenj, ka çuar policinë në mbajtjen nën mbikqyrjen e këtyre personave. Polica e Durrësit po merr në konsideratë çdo informacion për dy motrat, Orialda dhe Klevisa, 18 dhe 14 vjeç, të larguar nga banesa në 15 korrik me një shumë të konsiderueshme parash.
