Pas kërkesës së policisë, Prokuroria e Tiranes ka regjistruar sot materialin kallëzues për helmimin në mitingun e PD-së, ku së paku 140 vetë përfunduan në spital me probleme.
Regjistrimi i kallezimit ështe bere per nenet “ndotje e ambientit” dhe ‘pengim i subjekteve zgjedhore”. Krahas kësaj, prokuroria ka urdhëruar që qytetarëve të paraqitur në spital t’u merren rrobat për analizim.
Burime te Panorama bejne te ditur se Policia ka kerkuar te beje eksperiment duke vendosur qente e policise aty nen prozhektore per 3 ore por eshte konsideruar i papershtatshem si veprim.
Ku po heton policia
Policia e Tiranes njofton qe ka nisur hetimet pas incidentit te ndodhur te shtunen mbrema ne mitingun e PD-se, ku sipas shifrave zyrtare te Ministrise se Shendetesise, jane 140 persona qe kane shfaqur simptoma te helmimit, nga shkaqe deri tani ende te paidenfitikuara. Po punohet per gjetjen e shkakut dhe autoreve, pas regjistrimit te procedimit per vepren penale parashikuar nga Neni 201 i Kodit Penal, ndotja e ajrit.
“Më datë 27.05.2015, nga ora 19:00, deri në orën 20:30, në Bulevardin “Dëshmorët e Kombit”, subjekti politik Partia Demokratike e Shqipërisë, ka filluar aktivitetin elektoral të “Zgjedhjeve Parlamentare 2017″, rreth dy orë pas mbarimit të aktivitetit, disa pjesëmarrës kanë patur skuqje të syve, fytyrës dhe qafës, të cilët pasi kanë marrë ndihmën mjekësore në spitalin Francez pranë Q.S.U.T., janë larguar për në banesë.
Punohet për përcaktimin e shkakut të ndotjes së ajrit dhe identifikimin e kapjen e autorëve përgjegjës. Parashikuar nga Neni 201 i Kodit Penal”.
Cfare parashikon Neni 201 – Ndotja e ajrit
Ndotja e ajrit përmes çlirimit të tymrave, gazrave dhe lëndëve të tjera toksike radioaktive e bërë tej kufirit të normave të lejuara, kur vepra nuk përbën kundërvajtje administrative, përbën kundërvajtje penale dhe dënohet me gjobë ose me burgim gjer në dy vjet.
Po kjo vepër, kur ka shkaktuar pasoja të rënda për jetën e shëndetin e njerëzve, dënohet me burgim gjer në dhjetë vjet./a.ç
