Qendra Spitalore Universitare Nene Tereza ka dalë me njoftim për gjendjen e nxënësve të helmuar si pasojë e rrjedhjes së gazit në një shkollë private në kryeqytet.
Sipas QSUT, tre nxënës kanë simptoma të lehta të helmimit (intoksikacionit), me parametra stabël dhe jashtë rrezikut për jetën.
“Tre nxënës rreth 12-14 vjeç u paraqitën në Urgjencë. Tre nxënësit, me simptoma të lehta të intoksikacioni, me parametra stabël, jashtë rrezikut”, thuhet në njoftim.
Sakaq, sipas Policisë, “në spital kanë shkuar për ndihmë mjekësore gjithsej 6 nxënës, të gjithë jashtë rrezikut për jetën”. Blutë thanë se rrjedhja e gazit ishte në sistemin e ngrohjes.
g.kosovari
