“Nga linja e parë në vitin 2008, deri në rekordin botëror në kilometrazh, hekurudha me shpejtësi të lartë e Kinës ka simbolizuar fuqinë ekonomike të vendit, modernizimin e shpejtë, aftësitë teknologjike në rritje dhe prosperitetin e rritur”, -deklaroi Olivia Cheung, studiuese në Institutin Kinez në Universitetin e Londrës, raportuar nga “CNN”, cituar nga “Xinhua”.
Sipas Cheung, rrjeti hekurudhor jo vetëm që ndihmon në integrimin e tregut të gjerë kombëtar, por reflekton zhvillimin e koordinuar midis rajoneve, një koncept kyç i filozofisë së re të zhvillimit të Kinës.
Deri në fund të vitit 2021, Kina do të ketë në shërbim më shumë se 37.900 km linja hekurudhore me shpejtësi të lartë, më e gjata në botë, sipas “China State Railway Group Co.”.
Me shpejtësi deri në 350 km/orë në shumë linja, rrjeti hekurudhor lidh grupet kryesore të qyteteve të mëdha në Kinë dhe tashmë është shndërruar në më shumë sesa vetëm një mënyrë e shpejtë për të bërë udhëtime kombëtare në distanca të gjata.
