Eden Hazard shpallet futbollisti më i mirë i vitit në Premier League, bazuar në votimet e futbollistëve të kampionatit anglez.
Mesfushori i Chelsea-t ka zhvilluar një sezon fantastik dhe ka qenë vendimtar në garën për titull, ndërkohë që mposhti në garën për trofeun e më të mirit lojtarë që gjithashtu kanë spikatur, si De Gea, Alexis Sanchez, Harry Kane, Coutinho e Diego Costa.
Eden Hazard ka qenë njeriu kyç i formacionit londinez përgjatë këtij sezoni, teksa ka realizuar 18 gola në 45 ndeshje dhe ka ndihmuar skuadrën e tij të fitojë edhe Kupën e Ligës, përveçse titullin, që duket shumë pranë.
Niveli i tij në ngritje ka tërhequr edhe vëmendjen e klubeve të mëdha, si Reali i Madridit, por Mourinho e ka bërë të qartë se sulmuesi i tij nuk është në shitje, ose më saktë i kë vënë një cmim stratosferik, që askush të mos i afrohet.
Pas çmimit, Hazard ka shprehur lumturinë e tij: “Jam shumë i lumtur. Një ditë dëshiroj të bëhem më i miri. Gjatë këtij sezoni unë kam luajtur shumë mirë, Chelsea gjithashtu ka luajtur shumë mirë. Nuk e di nëse e kam merituar këtë cmim, por ky trofe është i rëndësishëm për mua. Është dicka e bukur dhe është më mirë kur vlerësohesh nga futbollistët, sepse ata dijnë gjithcka për futbollin”.
Çmimin e futbollistit të ri më të mirë të vitit, e mori sulmuesi i Tottenham-it Harry Kane, i cili rivalizon me Sergio Agueron dhe Diego Costa-n për golashënuesin më të mirë në Premier League.
Në formacionin më të mirë të vitit, mbizotërojnë futbollistët e Chelsea-t, me Terry-n, Cahill dhe Ivanovic në mbrojtje dhe Matic e Hazard në mesfushë, ndërsa Diego Costa në sulm. Fomacioni plotësohet plotësohet me De Gea-n në portë, Bertrand në mbrojtje, Coutinho dhe Sanchez në mesfushë dhe Kane në sulm.
Redaksia Online
(JavaNews.al)
