Ministri i Transportit dhe Infrastruktures, Edmond Haxhinasto, inspektoi sot punimet e ndërtimit të bypassit të Rrogozhinës.
Në një kohë që projekti duhet të përfundojë në fillim të vitit të ardhshëm, Ministri tha se është shumë e rëndësishme që të rivleresohet projekti, vecanërisht për sa i takon nënkalimeve pasi kjo rrugëkalon në një zonë ekonomke, bujqësore dhe nuk duhet të jetë pengesë për të ndarë në dysh aktivitetet ekonomike të kësaj zone.
“Autoritete Rrugor Shqiptar është autorizuar që të shikoj mundësinë e shtesave të nënkalimeve që të mos krijojmë asnjë pengësë për aktivitetin ekonomik të kësaj zone. Gjithashtu, shumë e rëndësishme është që të panifikojmë dhe realizojmë në kohë edhe nyjet e ndryshme me hekurudhën ku ka një nënkalim hekurudhor i cili duhet të koordinohet mirë me hekurudhën shqiptare që gjithashtu të realizohet në kohën më të shkurtër dhe mos të krijohet asnjë pengesë për transportin hekurudhor.
Duke folur per standardin e zbatimit te punimeve, ai u shpreh se është shuë e rëndësishme që të respektohen standartet.
“Shumë e rëndësishme të respektohen standartet dhe cilësia e punimeve duke respektuar të gjitha kërkesat e teknologjisë së ndërtimit të rrugëve për vet specifikën që ka kjo zonë e cila kalon në një zonë të ulët dhe argjilore, kështu që kështu që është domosdoshmëri për të pasur një rrugë sa më të qëndrueshme.”- tha ai.
Ky bypass është shumë i rëndësishëm për rrjetin tonë rrugor, icili krijon një lëvizshmëri shumë të mirë për aksin veri-jug të Shqipërisë.
