Gati dy muaj pas zgjedhjes së tij President i Republikës së Kosovës, më në fund u gjet një shtet perëndimor (pas Sllovenisë e cila në Kosovë por edhe vendet e BE-së shihet ende si pjesë e ish-Jugosllavisë) i cili do të jetë mikëpritës në një vizitë zyrtare për Hashim Thaçin. Thaçi do të udhëtojë në Vjenë kurse të mërkuren do të pritet nga Presidenti i Austrisë në shkuarje, Heinz Fischer, raporton Gazeta Blic.
Vet Fischer kishte qëndruar në Kosovë Tetorin e vitit të kaluar kurse tashmë dihet që brenda disa javësh Presidenti i ri i Austrisë do të jetë Alexander Van der Bellen.
Por duket që Hashim Thaçit i është ngutur aq shumë që ta realizojë një vizitë zyrtare jashta shtetit saqë s’ka pritur për presidentin e ri Van der Bellen.
Siç bën të ditur agjensia e lajmeve austriake APA Thaçi të mërkuren në ora 14:30 do të pritet me nderime shtetërore në Hoffburg për një, siç thuhet në këtë lajm, “bisedë pune”.
Mes Presidentit austriak në shkuarje dhe atij të Kosovës që posa është zgjedhur. (b.an)
