Ministri për Europën dhe Punët e Jashtme, Igli Hasani ka zhvilluar një takim me homologun e tij francez në Paris, Jean-Noël Barrot.
Përmes një postimi në “X”, Hasani falenderon homologun Jean-Noël Barrot për pritjen e tij të ngrohtë.
Ministri shprehet se ka pasur një diskutim produktiv mbi forcimin e marrëdhënieve dypalëshe si dhe procesin e anëtarësimit të Shqipërisë në BE.
“Faleminderit Jean-Noël Barrot për mirëseardhjen e ngrohtë dhe një takim të hollësishëm sot në Paris! Ne patëm një diskutim produktiv mbi forcimin e marrëdhënieve dypalëshe, procesin e anëtarësimit të Shqipërisë në BE dhe përgatitjet për Samitin e Komunitetit Politik Evropian në Tiranë më 16 Maj 2025. Shqipëria mbetet e vendosur fort për stabilitetin rajonal, paqen dhe avancimin e shpejtë të procesit të anëtarësimit në BE. Mbështetja e vazhdueshme e Francës në këtë rrugë është vërtet e vlerësuar”, shkruan ministri Hasani.
