Për herë të parë në historinë e shtetit shqiptar, bashkitë kanë mundësi të shënojnë me saktësi milimetrike territorin që kanë në administrim.
Zv/Kryeministri Niko Peleshi, ministri i Shtetit për Çështjet Vendore, Bledi Çuçi dhe ministrja e Shtetit për Inovacionin dhe Administratën Publike, Milena Harito, morën pjesë sot në prezantimin e Hartës unike të Republikës së Shqipërisë.
Në në postim në rretin social ‘Facebook”, ministri Bledi Çuçi shkruan se, falë kësaj harte, “për herë të parë në historinë e shtetit shqiptar, bashkitë kanë mundësi të shënojnë me saktësi milimetrike, sipas koordinatave referuese gjeografike, territorin që kanë në administrim, duke i dhënë fund një herë e mire konflikteve midis bashkive nga mbivendosja e kufijve admiinistrativ”.
“Projekti STAR, në përmbushje të angazhimit të tij për të mundësuar zbatimin e reformës administrativo-territoriale në përputhje me standardet më të mira, mundësoi kryerjen e një procesi të analizës së mbivendosjeve në të gjithë territorin e Shqipërisë me qëllim krijimin e një harte me koordinata të sakta gjeografike në sistemin GIS”, thekson ministri Çuçi.
“Ky proces saktësimi u zbatua me një qasje transparente dhe pjesëmarrje nga poshtë-lartë të 61 bashkive të reja”, nënvizon ministri Bledi Çuçi.
