Kryetari PD-së Lulzim Basha, menjëherë pas mbledhjes me kolegjin e kryetarëve të rretheve të PD-së, në një prononcim për mediat bëri publike datat e protestave. Gjatë fjalës së tij, Basha shtoi se shqiptarët nuk duhet të dridhen më nga Edi Rama. Sipas tij është koha të dridhen ata që kanë bërë pazare me Edi Ramën.
“Shqiptarët nuk duhet të dridhen edhe gazetarët nuk duhet të dridhen as nga i ftohti dhe as nga Edi Rama, është koha të dridhen ata që kanë bërë pazare me Edi Ramën”, tha ndër të tjera Basha.
Një “autogol” i vërtetë i Bashës, pasi i vetmi që akuzohet se ka bërë Pazar me Edi Ramën është vetë Lulzim Basha.
Bëhet fjnalë për paktin bashkëqeverisës të 17 majit 2017, që Lulzim Basha dhe Edi Rama, pasi qëndruan mbi 6 orë vetëm për vetëm në kryesinë e Kuvendit, dolën me marrëveshjen për një qeverisje të pëqrbashkët PS-PD.
Rama mbajti postin e kryeministrit, ministrinë e Bujqësisë, atë të Kulturës dhe Mbrojtjen, ndërsa zv.kryeministrin, ministrinë e Brendshme, Arsimin, Shëndetësisë, Drejtësinë, Ekonominë, Punën dhe gjithë institucionet e rëndësishme nga Burgjet, Hipotekën, ALUIZNI-n, OSHEE etj, ia dha Bashës. I dha menaxhimin e shtetit e të zgjedhjeve në prag të votimeve të përgjithshme.
/a.meta
