Lajm tronditës në Itali. Nuk është vetëm rasti i izoluar “Tire” në Shqipëri.
Në Aquila, një grua e moshuar u grabit në spital dhe vdiq nga shoku që pësoi, ndërsa infermierja e repartit Covid është arrestuar.
Sipas hetimeve gruaja e moshuar e shtruar në spital kishte vdekur nga stresi dhe keqardhja që u plaçkit në pavijon.
Infermierja e spitalit “San Salvatore” në L’Aquila u akuzua për “vdekje si rezultat i një krimi tjetër” në lidhje me grabitjen e gruas së moshuar të shtruar në spitalin Covid.
AP, 40 vjeç nga L’Aquila, infermiere në departamentin Covid të spitalit Abruzzo, u arrestua sepse kishte përfituar jo vetëm nga cenueshmëria e të moshuarve që vuanin nga sëmundje të rënda, por gjatë periudhës pandemike nga vizitat në familje, akuzohet se ka kryer gjashtë vjedhje të sendeve prej ari në tavolinat e shtratit të pacientëve.
Për të zbuluar vjedhjet e përsëritura, u angazhua prokuroria dhe agjentët e stacionit të policisë.
Pavarësisht se Prokurori Fabio Picuti kërkoi burg për gruan, masa u shndërrua në arrest shtëpie nga gjyqtari, Baldovino De Sensi. Gruaja pranoi vjedhjet. “Jam penduar. Problemet ekonomike në familje, për shkak të Covid, u përkeqësuan: frigoriferin e kam bosh dhe dy fëmijë për të mbajtur. Kur pashë një gjerdan prej ari në tavolinën e shtratit të një pacienti, nuk mund të rezistoja dhe e mora thuajse pa u menduar. Nga këtu fillova të marr objekte të tjera dhe t’i shes”, tha ajo.
Megjithatë, infermierja mohon akuzën më të rëndë (Nuk do të hezitoja në këtë pikë për ta pranuar atë”) por prania në pavijon e saj do të konfirmohej nga kolegët, nga distinktivi i saj dhe nga njohja e djalit të gruas së moshuar fatkeqe e cila vdiq.
/a.r
