Kryeministri Ramush Haradinaj nga Decani i ka dërguar mesazhe presidentin Hashim Thaci, por edhe presidentit serb Aleksander Vuçiq për çështjen e kufijve e të territorit.
Haradinaj, në Kuvendin e AAK-së në Decan, ka thënë se ushtria e Kosovës është e të gjithë qytetarëve të saj, prandaj kurrë nuk do të rrezikohet veriu i vendit, e as serbët në këtë zonë.
“Veriu është i yni, nuk mund ta sulmojmë”, ka thënë Haradinaj.
Kryeministri i është përgjigjur presidentit Vuçiç, i cili se fundmi ka thënë se serbët në veri janë në rrezik nga institucionet shqiptare.
Por sipas Haradinajt, nëse rrezikohet territori dhe kufijtë e Kosovës, atëherë ushtria do të jetë aty.
“Nuk e sulmojmë Veriun, as jugun e vendit tonë. Por, kush i prek kufijtë e Kosovës, na gjen në kufi. Këtë le ta dinë të gjithë”, është shprehur Haradinaj.
Gjatë takimit, kryeministri i bëri thirrje presidentit Thaçi që të mos tentojë të mashtrojë popullin me çështjen e ndryshimit të kufijve. (KOha)
