Liderët e tri partive opozitare, Vetëvendosje, AAK dhe NISMA, janë takuar në mëngjesin të së dielës, takim në të cilin kanë rënë dakort që të ketë një gjykatë për Kosovën, por ajo të jetë e formuar në vendin tonë dhe të mos ketë gjyqësor e drejtësi selektive.
Këtë e ka konfirmuar kreu i Aleancës për Ardhmërine e Kosovës, Ramush Haradinaj, i cili ndër të tjera ka thënë se vetëm mbi këtë parim mund të bisedojnë me Qeverinë.
“Qeveria tani është në panikun e parë, pas refuzimit që Kuvendi i bëri asaj të votojë amendamentin që do t’i hapte rrugë Gjykatës Speciale dhe tash mundohen me qu porosi për partneritet çdo kund, te ne si opozitë, të miqtë ndërkombëtarë, por riprocedimi nuk është i mundur, këtë e di qeveria”, ka thënë Haradinaj.
