Të premten pasdite në Vushtrri, në një takim të Degës së AAK-së në këtë komunë, ku ishte i pranishëm edhe lideri i kësaj partie Ramush Haradinaj, si dhe anëtarë tjerë të kryesisë qendrore, janw anëtarësuar rreth 150 anëtarë të rinj
Haradinaj e quajti subjektin e tij më të fortë se asnjëherë, madje edhe krahasuar me vitin 2009, kur i kishte fituar 18 për qind të votave nga elektorati
“Por me ardhjen e AAK-së në qeverisje, do të ketë shpresë për ju dhe gjithë Kosovën, sepse do të ketë në rend të parë zhvillim ekonomik, kurse temat që iu kanë mërzitë e bezdisë deri tash, si Asociacioni e Demarkacioni, nuk do t’iu shqetësojnë më. Sepse këto tema, kanë me e gjet zgjidhjen dhe drejtimin e duhur. Kufiri ka me u kthy aty ku e ka vendin, në Çakorr, kurse asociacioni edhe mund të krijohet, por vetëm sipas Kushtetutës dhe ligjeve të vendit”, është shprehur Haradinaj, cituar nga Koha. (b.an)
