Ish-kryeministri i Kosovës dhe njëkohësisht kryetari i AAK-së, Ramush Haradinaj, do të dalë sot sërish para gjykatës së Colmarit në Francë.
Në senacën e sotme gjykata franceze do të vendosë nëse Ramush Haradinaj do të ekstradohet në Serbi apo do të lirohet përfundimisht nga fletëarrestet e Beogradit.
Dy ditë më parë avokati i Haradinajt, Aranit Koçi, theksoi se kërkesa e Serbisë për ekstradimin e Haradinajt është politike dhe se ai do të kthehet në Kosovë.
Kreu i AAK-së, aktualisht ndodhet në Francë, në lirim me kusht, mbi bazën e një procesi që po zhvillohet ndaj tij nga autoritetet franceze, bazuar në një urdhër-arrest të lëshuar nga Serbia përmes Interpolit. Haradinaj u ndalua nga autoritetet franceze në 4 janar, në aeroportin e Bazelit./b.d
