Bashkia e Tiranës ka hapur sot 3 segmentet e rindërtuara të Unazës së Vogël të cilat ofrojnë të gjitha kushtet dhe standardet e kërkuara, përfshi 4 korsi për automjetet, korsi e dedikuar në të dyja krahët për biçikletat, hapësirë orientuese për të verbrit, si dhe hapësirat e nevojshme për barë e lule.
Një investim që duket se nuk i janë gëzuar vetëm bizneset e zonës dhe qytetarët e thjeshtë, por edhe qytetarët “VIP”, siç është rasti i kryetarit të PD-së së njësisë 5 në Tiranë, Ndriçim Babasi.
Babasi ka qenë i pari që me makinën e tij të shtrenjtë ka inauguruar asfaltin e ri të Unazës së Re, ndërsa siç shihet nga pamjet nuk ka nguruar të bëj edhe ironi me punonjësit e firmës që ka ndërtuar këtë segment.
Ish-deputeti demokrat pak ditë më parë u shoqërua nga policia pasi dhunoi këndin e fëmijëve në Parkun e Liqenit, duke treguar se është i pari që proteston ndaj punëve të bashkisë dhe i pari që përfiton prej tyre.
