Ambasadori gjerman në Tiranë, Helmut Hoffman njofton hapjen e programit të trajnimit për infermierët. I pranishëm në ceremoni ishte edhe kryeministri Edi Rama.
Hoffman në fjalën e tij theksoi se “Infermierët e formuar do të mund të punojnë minimumi 2 vjet në Gjermani.
Kjo është rruga që duhet të ndiqni për të punuar në Gjermani, jo kërkimi i azilit” u shpreh ai.
Ministri Klosi deklaroi “Projekti i cili nis me 250 infermierët e parë, përfshin kurse të ndryshme për kualifikimin e qytetarëve për tregun ndërkombëtar të punës. Për ne është me rëndësi
lidhja e arsimit profesional me tregun e punës. Edhe tregu shqiptar ka nevojë për punonjës të kualifikuar, dhe ne do të hartojmë një ligj për t nxitur punësimin”tha ministri Klosi.
Ndërsa kryeministri Rama deklaroi se për të punuar në Gjermani duhet që të ndiqni rrugën e ligjshme, pasi është e vetmja rrugë e sigurtë.
“Azili është një rrugë e gjatë që nuk ka shpresë. I kuptoj ata që janë larguar, pasi janë nga provinca të rraskapitura, por nuk është rruga e duhur azili”deklaroi ai.
Rruga e gabuar e arsimimit të të rinjve është edhe një nga shkaqet që kryeministri Rama vlerëson se drejtësia është në këtë gjendje.
“Të gjithë janë pajisur me diploma juridiku duke lënë kurset profesionale dhe akreditimet, prandaj kemi sistemin më të degjeneruar të drejtësisë në Europë”. tha Rama duke shtuar se Gjermania ka nevojë për 10 mijë infermierë
