Shtohen shanset për punësim në administratën publike. Qeveria ka marrë vendimin për shtimin e 2225 vendeve të reja, nga të cilat 200 do të jenë për praktikantë ndërsa pjesa tjetër prej 2025 vendesh për punonjës me kontratë të përkohshme.
Vendimi është botuar në Fletoren Zyrtare dhe këto punësim do të shtrihen gjatë vitit 2017. Për punonëjsit me kontratat e përkohshme, efektet financiare mbulohen nga shpenzimet korrente të miratuara në buxhetet e njësive vendore për këtë vit. Rezulton se institucionet që do rekrutojnë numrin më të madh të punonjësve janë Drejtoria e Tatimeve dhe Agjencia e Legalizimeve.
Çdo qytetar i interesuar për këto e nde pune, mund të aplikojë në faqen zyrtare të Departamentit të Administratës Publike, ku jepen udhëzimet edhe për dokumentacionin përkatës që nevojitet dhe kriteret për secilin vend.
Mësohet se punësime do të ketë edhe në sistemin shëndetësor në vend, por edhe në Institutin e Statistikave apo Ministrinë e Bujqësisë ku të rekrutuarit me kontrata do të angazhohen në anketime të ndryshme. Punësime do të kryhen edhe për persona që do të angazhohen në procesin zgjedhor./a.m.
Për mundësi punësimi mund të klikoni në linkun:
http:// www.dap.gov.al/legjislacioni/udhezimemanuale.
