Ka rinisur sot procesi gjyqësor ndaj Izet Haxhisë. Prokuroria ka kërkuar thirrjen e të paktën 10 dëshmitarëve për këtë çështje, mes të cilëve edhe ish-Kryeministrin Sali Berisha. Gjithashtu organi i akuzës kërkon dëshminë e Jaho Salihit (Mulosmanit) i cili ndodhet në burg.
Ditën e sotme vetë Izet Haxhia nuk ishte në seancë, por përfaqësohej vetëm nga avokati i tij Idajet Beqiri.
Në seancën e radhës të datës 2 tetor ora 10.00, mbrojtësi ligjor i Izet Haxhisë do të paraqesë kërkesën e tij për pafajësinë e të pandehurit Izet Haxhia si dhe provat me dëshmitarë.
Në bazë të tyre, sipas mbrojtjes, vërtetohet plotësisht se Izet Haxhia nuk është bashkëpunëtor në krimin e vrasjes së ish-deputetit Azem Hajdari.
Në vitin 2006 Izet Haxhia u arrestua në Turqi, ndërsa në maj të këtij viti ai u ekstradua në Shqipëri për të vuajtur dënimin me 25 vite burg që ka marrë nga të gjitha shkallët e gjyqësorit shqiptar për bashkëpunim në vrasjen e Azem Hajdarit
/a.r
