Kryeministri Edi Rama nuk ndjen asnjë përgjegjësi për dështimin me negociatat. Në përgjigje të kërkesës së opozitës për të hapur krahun, ai pati këtë koment për gazetarët.
“Çfarë duhet të them unë? Këtu nuk ka asgjë të re. Ata kanë punuar shumë fort dhe nuk kanë lënë gur pa lëvizur për të dështuar procesin. Nuk ja kanë dalë. Qoftë Maqedonia e Veriut, qoftë Shqipëria nuk kanë arritur të marrin atë që ju takonte si rezultat i një përplasje të brendshme në tryezën e familjes europiane. Siç e shikoni dielli ka dalë përsëri, dita ka filluar përsëri dhe rruga jonë vazhdon pa asnjë lëkundje dhe ekuivok. Duam të bëjmë Shqipërinë europiane për shqiptarët, për fëmijët tanë dhe këtë do të bëjmë çdo ditë.
Deklaratën Rama e bëri pas mbledhjes së Kryesisë së PS-së, ku pjesë diskutimi ka qenë vendimi negativ i Këshillit Europian.
Shefi i qeverisë, tha se detyrat mbeten po ato edhe sikur të kishim marrë një PO me 18 tetor.
g.kosovari
