Në përfundim të mbledhjes së Komisionit për Reformën në Drejtësi, deputeti demokrat Eduart Halimi tha se lidhur me Byronë Kombëtare të Hetimit dhe kontrollin e gjyqtarëve, opozita ka dhënë dakordësinë e saj.
“Komponenti që ka të bëjë me luftën kundër korrupsionit në drejëtësi dhe korrupsionit të zyrtarëve të lartë është ajo që i shqetëson qytetarët dhe ne japim dakordësinë tonë të plotë” – tha Halimi.
Sipas tij opozita ka marrë sot draftin dhe do ta shqyrtojë atë deri ditën e hënë.
“Do shohim nëse drafti respekton opinionet e Komisionit të Venecias dhe lufton korporatizmin dhe kapjen politike” – tha deputeti demokrat. (javanews.al / a.r)
