Depuetti demokrat Eduart Halimi ka vijuar sërisht sot akuzat ndaj kryeministrit Rama sa i përket ikjeve që po ndodhin ditët e fundit nga vendi. Me anë të një postimi në facebook, Halimi thotë se sekuestrimi i shtëpive nga ana e qeverisë për debitorët po detyron qytetarët të lënë vendin.
“Rama kembengul ne cmendurine e tij: Kush ka gjobe 150.000 leke ne OSHE do i nxirret shtepia ne ankand. Populli do ngrihet ne kembe nese miratohet ligji.
Te dashur miq,
Pas perballjes se gjate ne parlament per ligjin antikushtetues te energjise per sekuestrimin e shtepive, qeveria nuk arriti ta miratonte ate duke e shtyre per ne seancen e ardheshme. Deputete te saj, te frikesuar nga perballja me ju ne fushaten elektorale, kerkuan te pranohej kerkesa e opozites per heqjen e sekuestrimit te shtepive si nje marrezi dhe barbari juridike.
Por Rama kembengul ta miratoje ne seancen e rradhes.
Pas depresionit me te madh qe ka futur vendin me keq qeverisjen, dhunen dhe represionin, qytetaret po ikin ne eksodin per te mbijetuar dhe dhene shprese familjeve dhe femijeve te tyre, por Rama I kercenon se do u sekuestroje shtepite dhe do ua nxjerre ne ankand edhe nese ikin.
(Lexoni nenin 93 pika 5 te projekligjit qe eshte ne parlament. )”, shkruan Halimi
Halimi gjithashtu bën thirrje që shqiptarët s’duhet të largohen nga vendi, pasi sipas tij zgjedhjet e 21 qershorit janë shansi i tyre për ta dënuar këtë qeveri me votë.
“Te dashur miq,
Mos ikni nga vendi dhe te lini pas shtepite, sepse kur te ktheheni do jete vone. Largoni keqqeverisjen ne 21 qershor qe te keni te sigurta shtepite e ndertuara me djersen dhe gjakun tuaj, sepse nese nuk e beni Rama do ti nxjerre ne ankand.
Largoni pushtetaret jo familjen tuaj.
Nese miratohet ligji, i gjithe populli ne kembe.”, mbyll postimin e tij në facebook deputeti Halimi.
