Mund të quhet një deklaratë bombë ajo e Halim Kosovës dje në emisionin “Opinion”, kur iu përgjigj pyetjes së dy gazetarëve për mënyrën se si e ngriti në këmbë klinikën e tij 5 katëshe.
Duke u munduar të shpjegonte se për ndërtimin e klinikës ka marrë edhe kredi në bankë, Dr. Halimi bëri një deklaratë edhe më të rëndë, të cilën po ju’a servirim të plotë më poshtë:
“E vetmja gjë që nuk ka dalë është se sa kredi kam pasur në fillim, si janë shlyer dhe ku ka ardhur tani detyrimi në bankë që kam, sepse pas gjithë këtyre viteve punë, 20 viteve punë, kam prapë një kredi të cilën nuk e bëj publike se nuk më intereson. Që ti të marrësh një fond, duke pasur të gjithë mundësinë, si shumë kolegë të tjerë në marrëdhënie me pacientin, që s’e kam pranuar kurrë. Nuk gjej një pacient, një pacient nuk del në spital publik që të kem pasur shkëmbime lekësh, ashtu sikurse në ambientet e mia private kam ndihmuar këdo që kam gjykuar se është një njeri në nevojë. Përveç një rasti kur unë e ndaja mendjen që më dukej shumë i varfër dhe bëhesha gati për t’i kthyer lekët, sepse e kam parë gjithmonë zarf, kur kam ikur në shtëpi e kam kuptuar, po t’i binte telefoni, po t’i binte celulari, e merrte në qafë atë. Thosha ‘edhe i varfër edhe me celular’, vetëm në ato raste. Po e them copë, i ra celulari, e mori në atë kohë dikush, e dogji. E kam fjalën edhe i varfër, të kthej lekët, edhe të flasë në celular, kjo nuk shkonte në mendimin tim”, ka thënë Kosova dje në emision.
