Pesë persona janë vrarë dhe disa të tjerë janë lënduar, pasi një person i armatosur hapi zjarr në një park industrial në Illinois.
Gjatë një shkëmbimi zjarri, policia e ka vrarë sulmuesin, ndërsa pesë zyrtarë policie janë plagosur.
Sulmi ndodhi në një fabrikë të Auroras, e cila ndodhet rreth 40 milje në perëndim të Çikagos. Policia e ka identifikuar sulmuesin si Gary Martin, 45-vjeçar, i cili ishte punëtor në kompaninë ku ndodhi sulmi dhe i cili ishte shkarkuar nga puna para disa ditëve.
Zyrtarët nuk e kanë komentuar motivin e sulmit, por një gazetë amerikane ka raportuar se familja e sulmuesit ka thënë se ai është ndier i stresuar nga fakti se është pushuar nga puna.
Emrat e pesë viktimave nuk janë publikuar. Ndërkaq, dy policë të plagosur janë transportuar me helikopter në qendrën emergjente.
Një dëshmitar ka thënë se e ka parë kolegun e tij, i cili ishte i armatosur me një armë me laser.
“Njëri nga punëtorët erdhi në zyrë dhe na tregoi se ky person po qëllonte me armë. Ai vraponte dhe ishte shumë i gjakosur. Dëgjova edhe më shumë krisma dhe të gjithë dolëm nga ndërtesa”, tha John Probst.
Incidenti i së premtes ndodhi vetëm një ditë pas njëvjetorit të sulmit në Parkland të Floridas, në të cilin kishin humbur jetën 17 persona.
E.XH/
