Deputetja Rudina Hajdari është një prej aktorëve politikë në vend që Presidenti Ilir Meta u ka dërguar shkresë zyrtare për konsultime për mbajtjen e zgjedhjeve të ardhshme parlamentare.
Në datë 04 shtator Meta i kërkon Hajdarit që të jetë në Presidencë për t’u konsultuar për një datë për zgjedhjet e ardhshme.
Ndërkohë, vetë deputetja e ka publikuar ftesën e Presidentit në rrjetet sociale dhe kërkon mendimin e qytetarëve.
“Cilën datë, mes 15 prillit dhe 15 majit e gjykoni më të përshtatshme për mbajtjen e zgjedhjeve të ardhshme parlamentare?”, shkruan Hajdari.
Vet presidenti Ilir Meta është shprehur se ftesën për konsultime për datën e zgjehdjeve ia ka dërguar të gjithë liderëve të partive politike në vend, dhe kreut të Komisionit të Integrimit Europian.
