Komisioneri për Zgjerimin e Bashkimit Evropian, Johannes Hahn para arritjes në Kosovë, është takuar me presidentin serb, Aleksandar Vuçiç.
Kjo është bërë shkak për shtyrjen me disa orë të takimit me Hashim Thaçin.
Sipas mediave serbe detajet e këtij takimi nuk janë bërë të ditura, por mendohet se temë kryesore ishte vendimi i Qeverisë së Kosovës për taksën 100% ndaj produkteve serbe.
Ky diskutim pritet të bëhet edhe në Kosovë, në mes Hahn dhe krerëve të vendit.
Mësohet se takimi i Hahn me Thaçin është shtyrë nga ora 13:15 kur ishte caktuar, për në orën 16:00.
/A.Rada
